Med han og hans samtidige kjem det noko nytt i diktinga, ofte spøkjefull og personleg poesi. Det lange eposet vert skifta ut med korte kvardagsdikt, som tar opp kjærleik, fiendskap og venskap. Ein stadig tilbakevendande person i Catullus dikt, er elskarinna Lesbia. Kjærleiken til henne blir skildra i alle fasar, frå første tilnærming til avsluttande motvilje og hat.
Utval, gjendikting, forord og etterord ved Torgeir Bygstad.
Gjendiktar Torgeir Bygstad (f. 1983) har omsett Catullus dikt til «frie» vers, og har fokusert på å fange stemninga, uttrykka og ordvala. Dette er levande dikt, også for vår tid, og dei speler på heile det menneskelege kjensleregisteret.